jueves, 20 de octubre de 2016

DONOSTIAKO UDALAK MERCADONA EGITEKO OBRAK BERRIRO ERE BAIMENDU DITU ILEGALKI

Belartza2Gelditu Plataformak (Naturkon eta Añorgako bizilagunak osatuta) honako prentsa oharra bidali du (2016/10/19)

DONOSTIAKO UDALAK MERCADONA EGITEKO OBRAK BERRIRO ERE BAIMENDU DITU ILEGALKI

            Naturkonen izenpean bildutako Gipuzkoako naturzale eta ekologista elkarteok eta Añorgako bizilagunok, <Añ- 13.2 Cantera> Mercadona izenez ezagututako proiektuko sustatzaileak Donostiako Udalaren konplizitate eta permisibitatearekin ilegalki aurrera ematen ari diren jarduerak aspalditik salatzen gatoz. Lanek Belartzako ingurune naturalaren gainean inpaktu bortitza eragin dute.    
            Atzo, urriak 18, Udalak presa handiz altxatu zuen Mercadonako obra gainean ezarrita zuen etena. Lanak geldiarazten ziren bigarren aldia zen eta dena  hilabeteetan zehar salatzen gatozen irregulartasun eta ilegaltasunak zirela medio. Etenaldia Udaltzaingoaren zigiliuaren beharra izatera ere iritsi da, Valeraiano Urrutikoetxea S.A. (VUSA) enpresak egunetan Udalaren ordena urratzen aritu baitzen.
            Oso larria da Hirigintzako Zinegotziak, Enrique Ramos, esandakoa entzutea: ‘sustatzaile batzuk adarra jotzen dabiltza’, baino are larriagoa da Udala, legea betetzen  dela ziurtattu eta bermatu beharko lukeen hori, behin eta berriro  ilegaltasun eta irregulartasunetan erortzea.
Beste ilegaltasun bat Hirigintzaren izanean
            Udalak pabilioi industrial baten eraikuntza pribatiboa, aurretik ezinbestekoa den urbanizazioaren errezepzioa egin gabe duela, baimendu du, lan-etena altxatuz. Era berean, udaberrian empresa hori ahaleginez bi hilabete baino gehiagoz dinamitaz eta makina hondeatzaileaz lan egiten aritu zen parte-hartze publikorik izan ez zuen obran. Edota 100.000 metro kubiko harri lizentziarik gabe bota zituen. Azken irregulartasun hau jarduera katalogaezina osatzen duen zerrenda luzeari gehitu behar zaio, guztiz erdeinagarria dena XXI. mendeko Udal demokratiko batengan.
            Bestalde, Udalak Belartza Goian egiten ari diren harri isurketa ilegala, hamaika salaketa bere gain dituenak eta bere egunean gerora emandako lizentziak babesten ez duena, eten gabe jarraitzen du. Hau da, ez dago egungo eraikuntza obrarekin erlazioa duen baimenik eta gainera aurreko lizentziaren balditzapen guztiak urratzen ari ndira... eta hau guztia ondoriorik gabe, gure inpotentzia eta harridurarako.
            Bi jarduera hauek obren berehalako etena exijitzen dute.
            Enrique Ramos Hirigintzako Zinegotziaren adierazpenak ez datoz bat egiarekin,  asteetan salatutakoaren aurrean neurriak hartu direnean, oso berandu egin da, atzerapen handiz, zigor espedienteen irekierari muzin egin dio, preskribatu ez diren  ilegaltasunetan, epaitegian instrukzioan dauden jardueren inguruko kontrol eza egon da, eta isuna jarri denean, arintasun susmagarriz ezarri du. Hortaz, hori guztia kontuan harturik, Udala zein aldetara posizionatzen da? Zinegotziak zer defendatzen du? Interes pribatuen alde ari dira, argi eta garbi.
            Fiskaltzari eskatzen diogu gertaeren eta egintzen azterketa, hau da dilijentziak ireki ditzan, salatutako ilegaltasun horiek guztiak Udal agintari politiko edota funtzionario batzuren prebarikazio delitu baten osagarri izan daitezkeen argitzeko. Izan nahi al du Eneko Goia alkatea hainbeste irregulartasun eta ilegaltasunen ixileko konplizea?



Donostia, 2016ko urriak 19

No hay comentarios:

Publicar un comentario