EKOLOGISTEN NAHIZ BIZILAGUNEN SALAKETEI DONOSTIAKO UDALA ENTZUNGOR

Naturkon  Gipuzkoako talde ekologisten kolektiboen   prentsa oharrara (Donostia, 2016/10/13))

                    

BIZILAGUN NAHIZ GUPUZKOAKO NATURZALEEN ELKARTEEN (NATURKON) SALAKETEI DONOSTIAKO UDALA ENTZUNGOR

            NATURKON izenpean bildutako Gipuzkoako naturzale eta ekologista elkarteak, Añorgako bizilagunekin batera, <Añ- 13.2 Cantera> Mercadona izenez ezagututako  proiektuko sustatzaileek Donostiako udalaren konplizitate eta permisibitatearekin ilegalki ematen ari iren jarduerak, Belartzako ingurumenaren gainean inpaktu bortitza eragin dutenak, aspalditik salatzen gatoz.  

            Beriro ere obrak gelditzeko agindua beranduegi iritsi da, atzeratze susmagarriarekin, duela astebete gertaerak Hirignitza, Ingurugiro Atala eta  Udalzaingoaren jakinaren gainean jarri zirela kontuan hartuta. Orduan  gelditzeko agindua ez zen ebaztu eta ekin eza honek Valeriano Urrutikoetxea S.A. (VUSA) enpresak industrial eraikuntza baten parkina egiteko hondeaketan sortutako milaka harri-tonen isurketa ilegala egunetan luzatzea ekarri du.

Gure harridura eta indefentsiorako atzo goizean (2016ko urriaren 13an) obretan ziharduten, astelehenean sinatu zen suspentsio-agindua urratuz. Zenbat kexu, zenbat dei eta salaketa, hasieran, dena ukatua izateko. Udaltzaingora deituta ere, ondoriorik ez. Azkenean, gaur eguerdian Enrique Ramosek, ordu pare bat lehenago dena ongi zegoela zioenak, obra prezintopean jartzeko agindua sinatu du. AZKENIK!!

IRREGULARTASUNEZ BETETAKO HISTORIALA

            Zazpi hilabete luze dira jarduera ilegal ugari salatzen daramatzagunak, tarte horretan Udal arduradun politikoek publikoki gezurretan aritu direlarik, informazioa isilian gordez eta  legez kanpoko jarduerei legaltasun barniz bat eman nahian edo.

            Gertakariak egun Donostiako 1. Instrukzio Epaitegian, Arartekoan eta eskudun diren udalgaineko administrazio ezberdinetan daude.

            Irregulartasunak apirilean hasi ziren kantera zahar baten hondeaketatik ateratako  materialen isurketarekin, babestutako Unanue landa parkearen ondoko gune batean babestutako habitat eta landaredia suntsituz, pista ilegalak irekiz eta ibilgu naturalen gainean eragina izanez. Ez zuten ezertarako balio izan egindako salaketa eta komunikazioek, Hirigintzako Zuzendaritzak, dituen funtzioen utzikeria hutsean, ez baitzuen neurririk hartu, ezta VUSA enpresaren jardueren gainean kontrolik ezarri, esaterako, lekuan harri-txikitze jarduera ilegala egiten utziz eta, ondorioz, kutsadura atmosferikoa eraginez. Maiatzaren 12an, Naturkonetik prentsaurreko baten bidez gure ezintasuna eta babesgabetasuna adierazi genuen, Udalari ilegaltasun guziak geldiaraztea poblikoki eskatuz. Enrique Ramos zinegotizak ordea, gezurren gainean gezurrak esanez erantzun zigun. Jarduerak baimenduta zeudela defendatu zuen, berez, ez zegoenean txostenik, ezta baimenik ere. Zinegotziak maiatzaren 16ean presazko lizentzia bat sinatu zuen harri biltegia legalizatzeko, VUSA enpresari lanekin jarraitzen utziz. Baimena bidegabea zen, fundamentazio ezarekin eta arautegi sektoriala urratuz. Hortaz, berehala  jarri genion errekurtsoa.

            Maiatzaren 26an Gipuzkoako Aldizkari Ofizialak publiko egin zuen obraren lizitaziorako konkurtsoa, 2 hilabetez  salaturiko obra osoa legez kanpo egin zirela agerian utzirik (edozein ubanizazio-obra egin aurretik ezinbestekoa den prozedura), eta Udala hori guztiaren jakintun zela. GAO delako hura Hirigintza Sailan erakutsi eta gero legalitatearen urraketa ‘garrantzirik gabeko gauza’ zela adierazi ziguten, harri eta zur utziz. Argira ateratako ilegaltasun hori eta gero, Enrique Ramos zinegotziak hiritarrei gezurra esan zien berriro, ‘aurreko lanak’ egiteko baimena zegoela adieraziz, baimen horrek soilik partzelaren garbiketa eta sastraka kentzera baimentzen zuela jakinda. “aurretiko lan horien barruan, ordea, 150.000m³ harri sortu ziren, tunel bat lehergailuz eztandarazi zen eta ekologista nahiz bizilagunek aurrez salaturiko tropelkeri guztiak  tarte izan ziren. Azkenean, ageriko ilegaltasun nabarmen honen aurrean, maiatzaren 30ean obra geldiarazi zuten eta, Udal admnistrazioaren bi zigor-makilen adierazle gisa, Ramos zinegotziak enpresari 5000€tako isun barregarria ezartzea proposatu zuen, hau da, edozein etxetan egindako obra baten parean jarriz 5 futbol zelai baino gehiagoko azalera duen lur pilaketa.

            Urrian eraikuntza industrial bat egiteko obra ilegalki nola hasten den lekuko izan  gara, Udalak Belartza Goikoan berriro ere milaka tona harrien isurketa egiten utziz. Beste behin ere Natukonen eta bizilagunen salaketei ez jakinarena egiten zaie, prentsaurreko batek Udalaren pasibitate lotsagarria publikoa egiten duen arte. Burututako egintzen eta asetutako helburuen politika itsusia da, orain arte VUSA sustatzaileen interesen alde jokatu duena.

ERANTZUKIZUN POLITIKOAK

            Donostiako Udala hainbeste jarduera ilegalen konplizea da, ezinbesteko laguntzaile dugu. Gehiegitan agertu da herritarron zein gizarte mugimenduen entzungor, begibistakoa ukatuz. Interes ekonomiko pribatuen alde jokatzen ari da. Gertatzen ari dena ez da zuzena, ezta zilegia ere, horregatik auzokide eta Naturkonen saiakera legalitatea ezartze aldera. Publikoki erantzunkizinak argituak izan daitezen eskatzen dugu, bai maila politikoan, bai teknikoan. Era berean, exijitzen dugu gindako jarduerak ikertu daitezen deliturik egon den edo dagoen argitzeko. Isuritako material guzti-guztia lehenbailehen hortik ateratzea ezinbesteko ikusten dugu, gunea lehengoratu dadin eskatuz. Bide beretik, ilegaltasun guztien errudun jotzen diren pertsona fisiko nahiz juridikoei dagokien zigor eredugarria ezartzea eskatzen dugu.

            Egiten diren lanen legalitatea eta Belartza 2 eremuko kontserbazioa aldarrikatzen ditugu, besterik ez.